السلام عليكم ورحمة الله وبركاته
رجعنا للمقهى بعد مانقطعت عنه فتره قلت أنزل لكم قصة حب صارت لي في لعبه lineage2 وكانت الأولى من نوعها !
في بدايه كان عمري وقتها 16 سنه وكنت في أحد السيرفرات ماراح اذكر اسمه بسبب قوانين المنتدى
عموما أللعب وأمرح من هنا وهناك
الى أن تعرفت على شخصية تدعى lilo وكانت بنت أسمهى ليلى عمرها 14 سنه
كانت جدا خلوقه وطيبه معي مع أنها جرئيه شوي
وقتها ماكنت متعود أدق ميانه مع الجنس الأخر تعرفوا خجل وكذا أحم
بس هي كانت تدق معي ميانه وبقوه وتعرفت عليها اكثر بسبب ذا شي طلعت سعوديه مثلي لكنها مو مسلمه !
سئلتها وش ديانتك قالت مسيحيه أحم
وقصة أن عيلتها صارت مسيحيه طويله ماراح اذكرها عشان لا طول القصه..
على العموم بديت احب تعاملها معي وهتمامها فيني لين دخلت قلبي
عطتني الفيس حقها ما كان عندها غيره حساب خارج اللعبه اخذته وكل يوم سواليف وكلام بس محترم لا يروح بالكم بعيد
في الاخير جلسنا سنه على ذا الحال لين حسيت أنا وهي أننا صرنا لايقين لي بعض
ولازم نختم علاقتنا بزواج !
مع أن وقتها ابدا ماكنت مستعد لكن هي كانت تشجعني
وتقولي كل شوي (تعال أخطبني , أنا ابيك أنت بس, أحبك حيل)
هي كانت تبادر أكثر مني أنا لدرجة خلاص قلت شكلها هذي من نصيبي
عشان كذا عزمت أني أتقدم لها رغم الظروف وقتها بس قلت لا تضيع من يدي.
بس فجئه صار شي لها وختفت من فيس ولعبه !,,
أنا كنت أنتظرها شهر شهرين 3 ولا تدخل ولا شي
لين أهلي سحبوا أجهزتي بسبب أني كنت اخر سنه في ثانويه ولازم أجتهد فيها
لذالك انقطعنا عن بعض حوالي 9 شهور أو 11 شهر بالضبط
يعيني انا دخلت ال18 وهي ال16 وقتها
فجئه في يوم من الايام قررت ادخل حسابها في الفيس لقيتها متصله !
وفي رسائل تركتها لها ماردت علي فيها !
واجهتها ورسلت اقين وهي متصله
أسلوبها صار جدا جاف معي ؟؟! وتغيرت علي؟!
أعترفت لي أنها أنخطبت من ولد عمها
قلت لها أنا يوسف شفيك قالت أعرفك بس خلاص انسى الي كنت اقوله لك وانا عمري 14 !
قلت كيف وذكرتها بكلامها الي كانت تقوله لي يوميا
قالت وقتها كنت صغيره ومافهم شي أنت بالله تصدق كلام وحده صغيره عمرها 14؟؟؟
قلت لها حرام ياخي أولاد الناس مو لعبه عندك تلعبي بمشاعري لين تخليني أحبك وهذي جزاتي يوم قررت أني أخطبك
قالت قلت لك ماكنت واعيه بنفسي ابدا ياليت تنساني وتشطبني من راسك لاني انخطبت !
في الأخير سويت أضراب عن الأكل وماصرت أطلع من غرفتي بسببها, جلست 4 شهور على ذا الحال نقصت 35 كيلوا من وزني بسبب الأضراب..
الفائده الي بطلعها لك من قصتي الواقعيه 100%
هي :
"لا تصدق أي علاقه ولو صداقه من اللالعاب أبدا, صدقني مصيرها الحجود ونكران في الأخير
وحب نفسك وخليها فوق الجميع
لأانه مافي شي أهم من نفسي قررت أني أكون شرير داخل اي لعبه أفضل حل
وعاد أنتم وسلوبكم.."
في الأخير هذي قصة واقعيه لي ذالك أمكن تكون ممله عند البعض بس على الأقل فيها حكمه في نهايه تقدرون تستفيدون منها..
ألى القاء
رد مع اقتباس
المشاركة الأصلية كتبت بواسطة drdr
